Affera Lauener - Peter Marti n'è betg pli investigatur spezial

L'investigatur spezial da la Confederaziun Peter Marti sa retira. Sin dumonda da Marti sez che maina las investigaziuns federalas tar ils uschènumnads Cripto-leaks ed era tar ils Corona-leaks, ha l'instanza da surveglianza da la Procura publica federala concedì quai. Marti manava las investigaziuns dals uschènumnads Corona-leaks, pia encunter l'anteriur schef d'infurmaziun dal departament da l'intern Peter Lauener. Quai per sclerir, sche Lauener ha cuntrafatg al secret d'uffizi. Ussa surprenda l'instanza da surveglianza da la procura publica federala sezza questas investigaziuns.