Per sclerir la via da las datas da banca, ch'èn stadas fatalas per l'anteriur schef da la banca Raiffeisen Pierin Vincenz – hai dà quest onn interrogaziuns. Las datas èn arrivadas il 2016 da la banca Julius Bär a la publicitad. Sco la «NZZ am Sonntag» scriva, ha la Polizia chantunala da Turitg interrogà in schurnalist dal portal «Inside Paradeplatz». Questa pagina aveva rapportà en detagl davart las transacziuns da Pierin Vincenz.
Vitiers ha la polizia turitgaisa interrogà plirs anteriurs collavuraturs da la banca Julius Bär. Tranter auter il banchier Barend Fruithof, ch'aveva lavurà avant tar la banca Raiffeisen sut Pierin Vincenz sco schef da finanzas, quai tranter il 2004 ed il 2007. Ils dus umens èn vegnids en ils chavels in a l’auter il 2007.
Tenor la gasetta ha la Procura publica turitgaisa uss sistì la procedura. Ella vul spetgar sch'il process cunter Pierin Vincenz planisà il schaner, porta novs aspects.
