La procura publica da Turitg, exact la partiziun per delicts economics, haja avert proceduras penalas cunter in grond circul da persunas. Quai rapporta la «NZZ am Sonntag».
Il favrer 2018 avevan las autoritads turitgaisas numnà la cifra da tschintg suspectads en l’affera Raiffeisen. Tranter quels èn l'anteriur schef da la banca Raiffeisen Pierin Vincenz, e ses partenari da fatschenta sur blers onns Beat Stocker.
Il circul sa schlargia
Dapi lura èn para novas persunas suspectadas en la mira da la procura publica. I duai sa tractar da partenaris da fatschenta, pia betg da persunas che han lavurà u che lavuran tar la banca Raiffeisen.
Almain anc in onn
Tenor la «NZZ am Sonntag» èn las accusaziuns il pli baud sin maisa quest atun, in eventual process na cumenzass uschia betg avant la stad 2020. Tant la procura publica da Turitg sco era ils advocats da Pierin Vincenz e da Beat Stocker n’han betg prendì posiziun envers la gasetta.
RR novitads 08:00
