Damai che perscrutadras e perscrutaders svizzers vegnan exclus da parts dal program da prescrutaziun «Horizon Europe» da l'Uniun europeica, vul la Confederaziun siglir en. Il Cussegl federal ha incumbensà il departament per perscrutaziun da prender las mesiras per finanziar ils projects pertutgads. Radund 400 milliuns francs èsi previs da dar liber il 2021. Il departament per perscrutaziun ed il departement d'economia duain era prender ulteriuras mesiras per suschtegnair ils posts da prescrutaziun ed innovaziun en Svizra.
Svizra è anc in «stadi terz betg associà»
La stad passada aveva l'Uniun europeica midà il status da la Svizra pertutgant il program da perscrutaziun «Horizon Europe». Dapi lura figurescha la Svizra mo anc sco stadi terz betg associà, uschia che perscrutaders e perscrutadras da la Svizra na pon betg pli coordinar projects europeics e na survegnan nagins daners pli dal cussegl da perscrutaziun. Plinavant è la Svizra exclusa da la perscrutaziun spaziala e da quantums.
Horizon è il program da prescrutaziun e promoziun d'innovaziun internaziunal il pli grond sin il mund.