Cun 175 milliuns francs vul il Cussegl federal mitigiar las consequenzas da la pandemia. Quai cunzunt en pajais en svilup. Quests daners duain servir a sviluppar, producir e metter a disposiziun vaccins e terapias. Profitar duain tranter auter las Naziuns Unidas ed organisaziuns da la Crusch Cotschna.
Vitiers vul il Cussegl federal era gidar il Comité internaziunal da la Crusch cotschna cun metter a disposiziun in emprest senza tschains da 200 milliuns francs.