Siglir tar il cuntegn

Header

cuntegn

Agricultura La branscha tema ina mancanza da pischada

Malgrà ils imports supplementars da paintg u pischada gia lubids, smanatschia ina stretga fin la fin da l'onn. Perquai pretenda l’organisaziun Latg ulteriurs imports.

L’Uffizi federal d'agricultura duai lubir in'ulteriura transcha da 1'800 tonnas paintg u pischada or da l'Uniun europeica. Uschia veglian els segirar che Svizzers e Svizras hajan avunda paintg fin la fin da quest onn – scriva l'organisaziun da branscha da latg.

Diversas raschuns

Gia l'avrigl aveva la Confederaziun auzà il contingent per paintg importà per 1'000 tonnas. Quai na tanscha però betg, manegia l’organisaziun da branscha. Las pitschnas reservas da paintg en Svizra derivan d’ina producziun da latg stabila en Svizra, ed il mument datti in augment tar la producziun da chaschiel. Vitiers è il turissem da cumpra stà interrut durant il lockdown, e quai ha laschà crescher il basegn per paintg svizzer.

Magasins magari vits

Per ch’il provediment cun paintg u pischada è segirada durant l’entir onn, duai avair mez da l’onn tenor la branscha 4’000 fin 5’000 tonnas paintg en ils magasins da schelentar. Mez fanadur sa chattan là dentant mo radund 600 tonnas.

Il matg aveva la Tagesschau da SRF rapportà:

video
Svizra vul importar 1'000 tonnas paintg
Or da Tagesschau dals 21.05.2020.
laschar ir

RTR novitads 17:00

Artitgels legids il pli savens

Scrollar a sanestra Scrollar a dretga