Algas - Lai da Zug per part cotschen

Sonda ha l'aua dal lai da Zug per part midà colur vi da la riva datiers da la citad da Zug. La colur cotschna na saja betg in segn per ina contaminaziun da l'aua, mabain vegnia da l'alga da sang burgognais, sco la polizia chantunala da Zug communitgescha. Questa alga, che vegn er numnada alga blaua, possia esser privlusa per animals, perquai cusseglia la polizia da Zug da betg laschar ir chauns datiers da l'aua. Gia la fin da l'onn passà hai dà il medem fenomen, en in'autra part dal lai.