L'Uniun purila svizra vesa en la crisa da corona il temp per accelerar il grad da l'atgna producziun da mangiativas en Svizra. Quai ha il directur da l'uniun Martin Rufer ditg en ina intervista cun las gasettas da CH-Media.
Fin ussa saja il grad da l'atgna producziun tar bunamain 60%, la finamira saja da salvar quest nivel. Sch'i giess tenor il Cussegl federal duess quel però sa reducir sin 52% cun la nova politica agrara.
La crisa da corona mussia però che curtas chadainas da provediment hajan tuttavia avantatgs. La producziun regiunala saja pli fidabla e robusta che la globalisada.
