Siglir tar il cuntegn

Header

cuntegn

Anne Levy – Directura dal BAG «Persunas vaccinadas beneventan l'obligatori da certificat»

Las persunas vaccinadas en Svizra beneventian per gronda part ch'il Cussegl federal haja decis da schlargiar l'obligatori da certificat.

Da quest avis è almain la directura da l'uffizi federal da sanadad, co ella ha ditg envers la Samstagsrundschau da Radio SRF. Las persunas vaccinadas hajan avunda, perquai ch'ellas hajan contribuì lur cumpart per che la pandemia saja insacura a fin.

Las vuschs criticas èn tenor Levy dentant numerusas e fitg preschentas, era perquai ch'ils tests n'èn betg pli gratuits davent da l'emprim d'october. Ella possia dentant chapir ch'il Cussegl federal è sa decis per questa via.

audio
Anne Levy: «I sa tracta da daners da taglia»
00:20 min, RTR Audio dals 11.09.2021.
laschar ir. Durada: 00:20 minutas.

Era cler è per Anne Levy ch'i vegn a dar il proxim temp in tschert tractament inegual da la populaziun svizra.

Puspè demonstraziuns la fin d'emna

Entant han puspè pliras tschient persunas demonstrà a Lucerna cunter las mesiras da corona ed en spezial cunter l'obligatori da certificat. Quai ha confermà in pledader da la polizia envers l'agentura da novitads Keystone-SDA.

La demonstraziun n'è betg stada lubida rapports davart acts da violenza na datti il mument betg. Sa radunadas èn las demonstrantas ed il demonstrants da l'ina en plirs lieus a Lucerna – i ha dà plirs impediments dal traffic.

RTR novitads 15:00

Artitgels legids il pli savens

Scrollar a sanestra Scrollar a dretga