Entant han passa 1 milliun persunas en Svizra chargià l'app da tracing da corona. Fin il venderdi saira saja l'app vegnida installada sin 1'007'199 telefonins, sco l'Uffizi federal da sanadad communitgescha. Tenor la Confederaziun datti en Svizra 6,4 milliuns telefonins sin quels ch'igl è insumma pussibel da chargiar l'app da SwissCovid. Nov dis suenter che l'app è accessibla ha uschia mintga 6avel si quella app.
audio
Co installar l'app da SwissCovid
ord Actualitad dals 25.06.2020.
laschar ir. Durada: 2 minutas 53 Secundas.
L'app SwissCovid era vegnida lantschada ils 25 da zercladur da la Confederaziun. L'app avertescha ils utilisaders sch'els han gì stretg contact cun ina persuna infectada cun il virus. Ella duai servir sco agid tecnic per la persecuziun classica dals cas ed interrumper chadainas d'infecziun.
