L’assicuranza Helvetia ha sentì ferm la crisa da corona l’emprima mesadad da l’onn. Sut il stritg ha Helvetia fatg ina perdita da bunamain 17 milliuns francs. Avant in onn ha l’assicuranza anc fatg in gudogn da bunamain 290 milliuns francs. Quai ha communitgà oz il concern.
Dasper la crisa da corona sajan ina gronda perdita tar las investiziuns ed in’amortisaziun sin in project d’informatica responsabels per il minus.
L'assicuranza ha stuì pajar 89,4 milliuns francs pervia da donns atras il coronavirus. La gronda part sajan stadas pajaments per deficits da fatschentas e viadis annullads.
