Siglir tar il cuntegn

Header

cuntegn

Attatga da hackers Engulà datas da clients da Comparis

Tar l’attatga da cyber sin il servetsch da cumparegliaziun «Comparis» l’emna passada han ils hackers gì access a datas da clients. Quai ha communitgà la Polizia chantunala da Turitg. Las analisas detagliadas hajan mussà ch’ils hackers hajan gì access ad intginas datas internas da «Comparis». I saja da quintar che tschertas datas – sco per exempel adressas dad e-mail dad utilisaders – sajan vegnidas enguladas.

En consequenza da l’incident recumonda «Comparis» da midar ils pleds-clav e da betg reagir sin dumondas da persunas dubiusas che pretendian da lavurar per ina banca u ina assicuranza. Plinavant haja Comparis denunzià ils nunenconuschents ed er l'incumbensà federala per la protecziun da datas.

Ord l'archiv:

Tgi che vul propi proteger sias datas persunalas, quel duess evitar da duvrar WLANs u hotspots averts.

audio
Il digitip – Attenziun cun duvrar raits da WLAN publicas
ord Tips, trics e tacs dals 10.12.2018. Maletg: Keystone
laschar ir. Durada: 3 minutas 3 Secundas.

RTR novitads 06:00

Artitgels legids il pli savens