Siglir tar il cuntegn

Header

cuntegn

Svizra Augment da premias fa naufragi en il parlament

  • Las premias da las cassas da malsauns na vegnan betg augmentadas
  • Il Cussegl naziunal ha refusà la fatschenta en la votaziun finala
  • Motiv per il naufragi è ina midada d'opiniun da la PPS

Il Cussegl naziunal ha refusà il sboz per in augment da las franschisas en la votaziun finala. La franchisa ordinara resta vinavant tar 300 fin maximal 2'500 francs.

Avant duas emnas aveva il Cussegl dals chantuns decis da midar la lescha davart l'assicuranza da malsauns. Uschia avess il Cussegl federal pudì adattar las franschisas al svilup dals custs en il sectur da sanadad.

PPS ha midà opiniun

Motiv che la proposta fa naufragi ei ina midada d'opiniun da la Partida populara Svizra. La PPS aveva annunzià la mesemna ch'ins ditga tuttina NA ad in augment. I na saja betg gist che las cassas da malsauns vegnian sanadas sin donn e cust dals malsauns. La PCD è per gronda part s'abstegnida da la vusch.

Referendum era schon decidì

La Partida socialdemocratica aveva gia annunzià in referendum cunter in augment da las franschisas. Entras il NA dal Cussegl naziunal vegn quel uss obsolet.

RR novitads 11:00

Artitgels legids il pli savens