La Banca centrala europeica EZB auza il tschains directiv per 0,75% sin 1,25%. Quai è il pli grond augment en l'istorgia da la EZB. Cun quest pass emprova ella da retegnair l'inflaziun – in agir che persunas dal fatg avevan spetgà. L’EZB na sclauda betg ch'i dettia ils proxims mais ulteriurs augments dal tschains directiv.
Per il proxim on quinta l'institut d'emissiun cun ina augment da pretschs dad in media 5,5%. Er per l'onn 2024 quinta l'EZB cun ina auta quota d'inflaziun, numnadamain 2,3%. Ina fin da l'augment da pretsch na saja betg en vista. Per adina dapli persunas saja l'inflaziun in chargia adina pli greva. Cun sia politica da daners po la Banca centrala europeica influenzar l'inflaziun.