Quest onn è fin uss in dals 3 pli chauds onns dapi ch'ins ha cumenzà a registrar las temperaturas il mez dal 19avel tschientaner. Tenor las analisas da l'organisaziun mundiala da l'aura WMO è la temperatura media stada sin l'entir mund dal schaner fin l'october per 1,1 fin 1,2 grads sur la media dals onns 1850 fin 1900. En l'Europa è la temperatura media stada ils emprims 10 mais da quest onn schizunt uschè auta sco anc mai.
Gia uss èsi cler, ch'ils 6 onns dapi il 2015 èn ils pli chauds dapi ch'ins ha cumenzà a mesirar. Il record da temperatura è vegnì mesirà il 2016 cun in plus dad 1,2 grads cumpareglià cun il nivel dal temp preindustrial.
Ord l'archiv:
video
Temperaturas da primavaira il december
Or da Telesguard dals 19.12.2019.
laschar ir. Durada: 2 minutas 29 Secundas.
