Questa stad hai dà en l'entira Svizra bler damain chametgs ch'avant in onn. Ils meteorologs han registrà la stad 2020 passa 210'000 chametgs, l'onn passà eran quai anc stads sur 336'000. Ils pli blers chametgs hai dà il mais fanadur, avant l'avust ed il zercladur, sco il servetsch da l'aura Meteonews ha communitgà.
Ed il di cun ils pli blers chametgs è stà ils 28 da fanadur. Lura hai dà tenor Meteonews exact 20’217 chametgs en l’entira Svizra.
Il Grischun tutga ensemen cun Berna ed il Tessin tar ils chantuns cun ils pli blers chametgs. Las regiuns cun la pli gronda spessezza da chametgs eran la stad – la Bassa Centrala, la Svizra dal Nordvest e dal Nordost, la Svizra Centrala ed il Tessin.
Da chametgs ha il Minisguard discurrì il 2015:
video
Urizis cun tun e chametg
Or da Minisguard dals 13.06.2015.
laschar ir. Durada: 2 minutas 34 Secundas.
