Siglir tar il cuntegn

Header

cuntegn

Aura extrema Ils ers svizzers pateschan

L'aura extrema dals ultims mais ha er gì consequenzas per il terren cultivà en Svizra.

Ordvart pertutgada è la Svizra romanda, però er ils chantuns Berna, Turitg, Basilea-Champagna, Lucerna e Soloturn. Per part haja dà perditas da racolta da fin 70%, communitgescha l'assicuranza Schweizer Hagel. Schweizer Hagel assicurescha las culturas agriculas da circa 30'000 manaschis agriculs svizzers cun ina cuntravalur da var duas milliardas francs.

Fin la fin d'avust ha la societad quintà prest 9'000 annunzias da donn. Quellas muntian ad ina summa da donn da 40 milliuns francs. Circa in quart da quels donns sajan vegnids chaschunads da la sitgira, il rest sajan donns pervi da la granella durant il zercladur e la schelira da primavaira.

Congualà cun il 2021, che era il pir onn en l'istorgia da la segiranza, sajan quests dumbers però bass. Il 2021 aveva ella retschavì 14'000 annunzias da donn. La summa da quels era circa 100 milliuns francs. Per quest onn fa la segiranza cunzunt quint cun dapli donns pervi da la sitgira.

audio
Per tadlar: las novitads da las 06:00
ord RTR Audio dals 01.09.2022.
laschar ir. Durada: 5 minutas 13 Secundas.

RTR novitads 6:00

Artitgels legids il pli savens

Scrollar a sanestra Scrollar a dretga