Il Parlament federal na vul betg ch'ins augmenta las deducziuns per las premias da las cassas da malsauns tar la taglia federala directa. La Chombra gronda ha prendì la decisiun cun 103 cunter 73 vuschs e 8 abstenziuns.
Suenter il Cussegl dals chantuns ha era il Cussegl naziunal refusà la fatschenta ch'è cunquai giud maisa.
Ina maioritad dal Cussegl naziunal è suandada a la cumissiun predeliberanta, l'argument è ch'ins na possia betg en emprima lingia distgargiar las classas d'entradas autas.
Radund 40% dals pajataglia, che na pajan nagina taglia federala directa perquai ch'els han pajas pitschnas, na vegnian betg distgargiads cun questa midada da la lescha.
