La midada da bus da diesel sin da quels cun motor electric va plaun tar AutoDaPosta. Pir 20 da 2'300 bus èn electrics. L'interpresa vul fin 2040 mo pli charrar electric. Cunquai ch'ils chantuns empostan ils vehichels e pajan era in part da quels, dependia ferm da lez quant spert che la midada va.
Ils vehichels per purtar la posta èn gia per gronda part electrifitgads (7'000 da 11'000), fin 2030 duain lura tuts esser electrics. Tar ils autos da posta na sajan ins anc betg uschè lunsch, di er Urs Bloch, il pledader da l'AutoDaPosta SA. Vitiers vi dal sustegn mancant dals chantuns vegnia, ch'ils bus electrics sajan pli chars. Pia decidian ils chantuns, che pon er decider davart ils novs bus, savens da cumprar bus da diesel. Era la mancanza d'infrastructura saja in motiv da restar il mument tar diesel.
Fin il 2024 vul AutoDaPosta charrar cun 100 bus electrifitgads. Sch'ella possia cuntanscher quai na saja anc betg cler.
