La societad aviatica Lufthansa ed era la societad affiliada Swiss na planiseschan il mument betg d'introducir in obligatori da vaccinaziun per ils passagiers. I saja anc memia baud da prender ina tala discussiun.
Tests sperts han prioritad
Sin dumonda da Radio SRF ha la Swiss communitgà ch'il focus saja il mument sin ils tests sperts. Quels duajan vegnir introducids a las plazzas aviaticas da Turitg e da Genevra.
Qantas vul obligatori
La pli gronda societad aviatica da l'Australia - Quantas - ha communitgà oz da vulair introducir in obligatori da vaccinaziun per passagiers sin sgols intercontinentals. Quai uschespert ch'in vaccin stettia a disposiziun.
