L'onn passà ha il constructur d'eroplans svizzer Pilatus danovamain fatg ina svieuta sur ina milliarda francs. Il resultat da gestiun (EBIT)è però sa reducì levet sin 153 milliuns francs. Sco quai che Pilatus communitgescha, saja la svieuta creschida l'onn passà per 7,1% sin 1,17 milliardas francs. En total haja l'ovra furnì 134 eroplans. Quai sajan sis maschinas dapli che l'onn avant – ed in nov record.
Il mument haja però la pandemia da corona chaschunà turbulenzas massivas, scriva Pilatus. Sco emprima mesira haja l'interpresa instradà lavur curta.