La Svizra duai cumprar novs aviuns da cumbat per maximalmain 6 milliardas francs. Da quest avis è il Cussegl dals chantuns. Cun gronda maioritad ha el approvà la proposta dal Cussegl federal.
En princip n’era la fatschenta betg contestada. Bain vulevan ils socialdemocrats refusar la fatschenta al Cussegl federal, per che quel integreschia era la cumpra dal nov sistem da defensiun da l’aria dal terren anora. Ina maioritad è dentant suandada il Cussegl federal, da tractar questa fatschenta da duas milliardas francs dapersai.
Differenza cun il Cussegl federal
Per discussiuns ha procurà la cumpart da fatschentas, ch’ils furniturs esters ston cumpensar cun incumbensas dadas en Svizra. Il Cussegl dals chantuns vul ina cumpensaziun cumplaina, e betg sco proponì dal Cussegl federal sulet ina tala da 60%.
3 regiuns duain profitar
Da las incumbensas da cumpensaziun duain las regiuns profitar tenor ina clav da repartiziun, ha decis il Cussegl dals chantuns. La Svizra tudestga duai survegnir 65% da las incumbensas, la Svizra franzosa 35% e la Svizra taliana 5%.
RR novitads 11:00