Siglir tar il cuntegn

Header

audio
Confederaziun avertescha
Or da Actualitad dals 30.07.2020.
laschar ir. Durada: 02:35 minutas.
cuntegn

BAG propona Obligatori da mascras en butias

En Svizra è il dumber da novas infecziuns cun il coronavirus creschì ils ultims dis. Oz ha l'Uffizi federal da sanadad annunzià 220 cas novs, quai è il pli aut stan dapi l'avrigl. Uss appellescha il BAG als chantuns da prender ulteriuras mesiras rigurusas.

L'auta cifra d'infecziuns novas confermia ina midada da tendenza e quella cifra stoppia exnum puspè ir a funs. Quai ha il directur da l'Uffizi federal per sanadad BAG, Pascal Strupler ditg al Point de presse a Berna.

Nus stuain uss midar en il proxim gir.
Autur: Pascal StruplerDirectur dal Uffizi federal per sanadad BAG

Ils experts da la Confederaziun quintan, ch'il dumber da cas s'augmenta vinavant. 10% da tut las infecziuns sajan «infecziuns importadas» – pia persunas ch'èn s'infectadas en l'ester.

Finamira: armonisaziun tranter ils chantuns

Durant la situaziun speziala sajan ils chantuns responsabels per far frunt a la pandemia. Quels sajan conscients ch'il dumber da cas novs stoppia puspè tschessar. Intgins chantuns hajan gia introducì mesiras pli rigurusas. Il mument saja il BAG vid tschertgar soluziuns ensemen cun ils chantuns.

I dovra entant reglas unitaras e reglas che n'èn betg cuntradictoricas.
Autur: Pascal StruplerDirectur da l'Uffizi federal per sanadad

Proposta: Obligatori da mascras en butias

Il mument propona l'uffizi federal d'introducir en l'entira Svizra in obligatori da mascras en butias. Il mument vala l'obligatori sulet per il traffic public en l'entira Svizra. Intgins chantuns han gia introducì l'obligatori er en butias.

Ina pussaivladad fiss er dad introducir in obligatori da mascras per tut ils lieus accessibels a la publicitad.

video
Strupler: Examinar in obligatori da mascras en la publicitad
Or da News-Clip dals 30.07.2020.
laschar ir

Essenzial saja vinavant, ch'ins controllia las datas da contact e ch'i dettia reglas cleras davart il dumber maximal da persunas per exempel en clubs u restaurants. Vinavant saja impurtant da tegnair distanza e da lavar ils mauns.

RTR novitads 15:00 / actualitad 17:00

Artitgels legids il pli savens

Scrollar a sanestra Scrollar a dretga