Siglir tar il cuntegn

Header

cuntegn

Banca naziunala svizra Gudogn da 49 milliardas francs

La Banca naziunala svizra ha realisà l'onn passà in gudogn da 49 milliardas francs. Quai resorta da las cifras provisoricas. Chantuns e Confederaziun pon uschia quintar cun pajaments da duas milliardas.

Attribuì en spezial al gudogn hajan il bun svilup dal portfolio da devisas sco er ils effectivs dad aur, communitgescha la Banca naziunala svizra BNS. L'onn avant ha la banca anc notà ina perdita da 15 milliardas francs. Il resultat da la banca è dependent da l'instabilitad da sias reservas da devisas da plirs tschient milliardas francs. Latiers tutgan aczias ed emprests da l'exteriur che la BNS ha cumprà pli baud per flaivlentar il franc svizzer ed uschia sustegnair l'economia d'export svizra.

En total veglia la Banca naziunala dar duas milliardas francs a la Confederaziun (in terz) ed als chantuns (dus terzs). Suenter quests pajaments è la reserva da pajaments tenor indicaziuns da la Banca naziunala anc sin 86 milliardas francs.

La conclusiun definitiva dal quint vul la BNS preschentar ils 2 da mars.

Il rapport da la Tagesschau da mezdi:

video
Bler gudogn per la Banca naziunala
Or da Tagesschau dals 09.01.2020.
laschar ir

RTR novitads 08:00

Artitgels legids il pli savens

Ir a sanester Ir a dretg