La Confederaziun duai era en l'avegnir pudair salvar bancas cun ristg sistemic, sco quai ch'ella ha fatg il mars cun la Credit Suisse cun dretg d'urgenza. Per en l'avegnir betg pli stuair sa gidar cun il dretg d'urgenza, vul il Cussegl federal francar en la lescha la garanzia da liquiditad statala per bancas grondas.
Il Cussegl vul er integrar autras mesiras en la lescha ch'el ha piglià en il rom dal salvament da la Credit Suisse. Quellas vegnissan dentant abolidas sch'il Cussegl federal scursaniss betg la consultaziun da trais sin in mais. Perquai cuzzà la consultaziun per quellas ordinaziuns pli curt che normalmain.
Introducì ha il Cussegl federal la garanzia da liquiditad statala cun dretg d’urgenza per impedir in concurs da la CS. In text da consultaziun davart quai aveva il Cussegl federal gia empustà il 2022, anc avant ch’el aveva stuì far valair il dretg d’urgenza.
