Siglir tar il cuntegn

Header

cuntegn

Basilea-Citad Project da pilot per vender cannabis betg medicinal

En Svizra datti per l'emprima giada in project da pilot davart il consum da cannabis. L'Uffizi federal da sanadad BAG ha approvà quel.

En il chantun Basilea-Citad pon apotecas tschernidas vender cannabis per il diever nun-medicinal a stgars 400 persunas che sa participeschan al project. A partir da la fin da stad duain quellas persunas pudair cumprar differents products sco flurs da cannabis sientadas e haschisch.

Participads a l'emprova da pilot èn l'universitad Basilea, las clinicas psichiatricas universitaras ed il departament da sanadad Basilea-Citad. Quest project duai infurmar davart il consum da cannabis en Svizra e co quel duai vegnir regulà en il futur.

En Svizra èsi mumentan scumandà d'importar, cultivar, producir, u vender cannabis.

audio
Per tadlar: curt e cumpact
aus RTR Audio vom 19.04.2022.
abspielen. Laufzeit 53 Sekunden.

RTR novitads 14:00

Artitgels legids il pli savens

Scrollar a sanestra Scrollar a dretga