Siglir tar il cuntegn

Header

cuntegn

Be pli set dis Pli curta quarantina en maioritad dals chantuns

La maioritad dals chantuns reduceschan la quarantina per persunas che han gì stretg contact cun ina persuna infectada da 10 sin 7 dis. Uschia suondan els a las recumandaziuns da l'Uffizi federal da sanadad publica BAG. Nagina reducziun da la quarantina han ils chantuns Grischun, Glaruna, Soloturn, Basilea Champagna, Argovia, Turgovia e Schaffhusa fatg.

Betg en quarantina ston ir persunas ch'han gì almain duas vaccinaziuns, u ch'èn guaridas (aifer ils ultims 12 mais). En intgins chantuns na dastgan l'ultima dosa u l'infecziun betg esser pli ditg che quatter mais enavos, per exempel a Turitg u a Friburg.

Isolaziun resta tar 10 dis

Il temp d'isolaziun resta dentant tar 10 dis. Cun questa midada duai l'effect da la quarantina sin la societad e l'economia vegnir levgià. Ed ins veglia evitar stretgas da persunal pervia da la varianta omicron che sa derasa en il mument fermamain.

RTR novitads 11:00

Artitgels legids il pli savens

Scrollar a sanestra Scrollar a dretga