La Svizra ha registrà oz venderdi sontg l'emprim «di da stad» da l'onn current.
En il chantun Tessin, a Locarno-Monti, han ins mesirà il suentermezdi curt avant las quatter ina temperatura da 25 grads, communitgescha SRF Meteo. A Pratteln en il chantun Basilea-Champagna han ins schizunt mesirà 25,2 grads. Er en il rest da la Svizra dal nordost ed en il Tessin èn vegnidas mesiradas temperaturas da sur 20 grads.
In di da stad gia al cumenzament d'avrigl saja fitg baud. L'onn passà è vegnì registrà en Svizra ils 19 d'avrigl l'emprim «di da stad», pia 9 dis pli tard.