Siglir tar il cuntegn

Header

video
Emna rumantscha cun workshop da cuschinar
Or da Telesguard dals 20.02.2023.
laschar ir. Durada: 3 minutas 39 Secundas.
cuntegn

Berna Emna rumantscha cumenza cun workshop da cuschinar

Far pli enconuschent il rumantsch. Quai è l'intenziun da l'Emna rumantscha ch'ha cumenzà oz. L'iniziativa da l'emna vegn dal Departament da l'exteriur, da la Lia Rumantscha e dal chantun Grischun.

Prendì part al workshop da cuschinar capuns e bizochels ha tranter auter cusseglier federal Ignazio Cassis. Tenor el «sa furman or da nossa diversitad ideas innovativas». Il workshop saja in mussament per quai. L'idea è numnadamain stada ina da las propostas da classas da scola rumantschas ch'èn stadas sin visita a Berna il 2022.

audio
Emna rumantscha: Tge portan questas acziuns?
ord Actualitad dals 20.02.2023. Maletg: Departament federal da l'exteriur
laschar ir. Durada: 5 minutas 53 Secundas.

Rumantsch e la diplomazia

Er prendì part al workshop han tranter auter represchentantas d'ambassadas svizras en l'Italia, la Frantscha e la Gronda Britannia. Ils represchentants da la Svizra en auters pajais duain uschia emprender d'enconuscher meglier la cultura rumantscha.

Durant l'Emna rumantscha organisescha plinavant l'ambassada a Londra ina «saira retoromana», ed en l'ambassada a New York datti in curs da lingua da rumantsch cun Chasper Pult. Quest onn datti gia la terza ediziun da l'Emna rumantscha. Ella è part d'ina seria d'occurenzas che duain mussar l'impurtanza da la plurilinguitad en Svizra, sco per exempel la «Semaine de la francophonie» u la «Setttimana della lingua italiana nel mondo».

RTR Actualitad 17:00

Artitgels legids il pli savens