Berset: «Refurma da vegliadetgna è fitg urgenta»

Per il cusseglier federal Alain Berset è la refurma da rentas 2020 fitg urgenta. Quai suenter 20 onns senza ina revisiun cumplessiva basegnia quai uss la refurma ha ditg Berset davant las medias a Berna en vista a la votaziun dals 24 da settember.

Basegn d’agir hai dà perquai che la cassa d’AVS vegn ils proxims onns a stuair dar ora dapli daners che quai ch’ella ha entradas. Uschia dat quai ina mal gulivaziun en disfavur da la generaziun activa.

Pli auta vegliadetgna da renta per dunnas

La refurma planisada adatteschia la prevenziun per la vegliadetgna als basegns da las persunas. Ella pussibiliteschia ina pensiun flexibla. Era vegnia la vegliadetgna d’ir en pensiun per dunnas auzada pass per pass sin 65 onns. Quai distgargia la cassa d’AVS per radund 1,3 milliardas francs. Uschia vala per dunnas ed umans la vegliadetgna da pensiun tar 65 onns.

En la sessiun da primavaira aveva il parlament approvà la revisiun da vegliadetgna 2020.

RR novitads 15:00