La Surveglianza federala dals martgads da finanza Finma e la Postfinance na vegnan betg perina. La Finma pretenda dapli agen chapital da la Postfinance. La Postfinance di che quai na resguardia betg las atgnadads dal model da fatschenta da la Postfinance.
Il mars aveva il Tribunal federal administrativ renvià in recurs cunter quai da la Postfinance. Uss tira la Postfinance vinavant davant il Tribunal federal. La Postfinance è vinavant da l'avis che la Finma haja sbaglià la calculaziun dal ristg da tschains. La Finma argumentescha che la Postfinance haja memia paucas segirtads finanzialas per cumpensar ils ristgs ch'ella giaja en sin la fiera.
audio
Per tadlar: las novitads da las 12:00
ord RTR Audio dals 20.05.2023.
laschar ir. Durada: 4 minutas 39 Secundas.
