Il concern d’uras Swatch ha fatg l’onn passà dapli svieuta e gudogn. La svieuta saja s’augmentada per 5,2% sin 7,89 milliardas francs. Il gudogn saja s’augmentà per 8,1% sin 890 milliuns francs. Quai ha communitgà Swatch. Profitar dal resultat duajan er ils acziunaris: Il cussegl d’administraziun propona d’augmentar la dividenda per 50 raps sin 6,50 francs per aczia al purtader.
Ins haja gudagnà parts dal martgà cun tut las marcas dal concern en tut las regiuns mundialas, ha il concern communitgà vinavant. Er las prognosas per l'onn current sajan positivas. Uschia spetgian ins dapli products vendids en l'America ed en il Giapun.
audio
Per tadlar: las novitads da las 09:00
ord RTR Audio dals 23.01.2024.
laschar ir. Durada: 2 minutas 54 Secundas.
