Dumengia saira è la Fête des Vignerons ida a fin suenter trais emnas. Per il mument tiran ils organisaturs ina bilantscha ambivalenta. Fertant che las inscenaziuns hajan pudì intgantar il public, na sajan ins betg cuntents cun la vendita da bigliets, sco quai ch'els communitgeschan.
video
L'istorgia e dimensiun da la festa
Or da sil punct dals 23.07.2019.
laschar ir. Durada: 2 minutas 24 Secundas.
65'000 bigliets èn restads
Per l'emprima giada n'èn betg tut ils bigliets vegnids vendids: 400'000 han ins vulì vender, 65'000 èn restads enavos. Tge che quai munta per il budget da la festa, n'han ils organisatur betg vulì tradir. Dentant è enconuschent che la vendita da bigliets fa ora 70% dal budget per la festa. In budget da varga 100 milliuns francs. Cler è era, in deficit stuess vegnir purtads da la fraternitad da viticulturs.
RR novitads 12:00
