En tut èn 78'600 persunas stadas a las preschentaziuns dal Festival da film a Locarno che ha cuzzà 11 dis ed è i afin sonda saira. Sin la Piazza Grande hajan ins quintà 29’700 persunas ed en las salas da kino 48’900, quai saja circa la mesadad cumpareglià cun il 2019. Quaihan communitgà ils organisaturs.
Fitg cuntents èn ils organisaturs cun la bilantscha da la purschida online. La pagina d'internet dal festival ha registrà 3 milliuns clics da 290'000 persunas or da 186 pajais. Quai è il dubel dal 2019.