Elisabeth Baume-Schneider da la partida socialdemocratica ha tratg bilantscha suenter ch'ella è dapi 100 dis commembra dal Cussegl federal. Ella saja ventiraivla d'esser cussegliera federala, ha ditg la scheffa dal Departament da giustia e polizia a Turitg. Ella fetschia gugent ina lavur nizzaivla, sco cussegliera federala possia ella midar insatge.
Nua che Baume-Schneider vul s'engaschar
Sia elecziun il december saja stada ina surpraisa ma betg ina casualitad. Per ella saja in dals puncts centrals – la protecziun cunter violenza a chasa. Ultra da quai veglia ella era meglierar la protecziun da persunas nun-binaras u unfrendas da commerzi cun umans. In ulteriur punct che Elisabeth Baume-Schneider ha accentuà e ch'ella vul procurar che persunas ch'han stuì fugir da l'Ucraina chattan lavur.
Er il cusseglier federal Albert Rösti da la Partida populara svizra è dapi 100 dis en uffizi. Er cun lez fa RTR ina bilantscha da ses emprims mais en uffizi.
Or da l'archiv
