Siglir tar il cuntegn

Header

audio
Ils parlamentaris grischuns davart ils novelegids
Or da Actualitad dals 07.12.2022. Maletg: Keystone
laschar ir. Durada: 3 minutas 48 Secundas.
cuntegn

Elecziuns Cussegl federal Reacziuns sin las elecziuns da Rösti e Baume-Schneider

Mesemna avantmezdi èn Albert Rösti ed Elisabeth Baume-Schneider vegnids elegids da l'Assamblea naziunala sco successurs dad Ueli Maurer e Simonetta Sommaruga.

Da la vart parlamentaris e las parlamentarias grischunas vegnan cunzunt reacziuns positivas sin las elecziuns. Sandra Locher Benguerel, cussegliera naziunala per la PS, pensa ch'ils dus novs vegnan a reger en l'interess dal public. Ses collega da partida Jon Pult vesa l'elecziun sco in schanza per novs impuls per la Svizra.

audio
Reacziun da Jon Pult sin l'elecziun
ord RTR Audio dals 07.12.2022.
laschar ir. Durada: 1 minuta 55 Secundas.

Il cusseglier dals chantuns per l'Allianza dal Center Stephan Engler, ch'è stà dumbravuschs, vesa che Baume-Schneider e Rösti hajan omadus in segn ed ina sensibilitad per ils basegns da la populaziun rurala.

audio
Reacziun Stefan Engler
ord RTR Audio dals 07.12.2022.
laschar ir. Durada: 2 minutas 33 Secundas.

Albert Rösti ed il dossier d'energia

Martin Schmid saja fitg cuntent cun l'elecziun dad Albert Rösti, el enconuschia a Rösti or da sia lavur tar dumondas da l'electricitad u la forza idraulica. Cusseglier dals chantuns Martin Schmid spetga che Rösti viva la concordanza. El spera che Rösti metta ils accents spezialmain tar la politica d'energia.

audio
Magdalena Martullo-Blocher davart l'elecziun dad Albert Rösti
ord RTR Audio dals 07.12.2022.
laschar ir. Durada: 1 minuta 59 Secundas.

Er Magdalena Martullo-Blocher ha grond gust da l'elecziun da ses collega da partida. Ella haja in stretga relaziun cun Rösti. Quel saja pragmatic ed haja gronda experientscha – cunzunt cun il dossier da l'energia. Ella spetga ch'el gioga là ina rolla en il Cussegl federal.

Ina nova cussegliera da lingua franzosa

audio
Reacziun da Sandra Locher Benguerel
ord RTR Audio dals 07.12.2022.
laschar ir. Durada: 3 minutas 11 Secundas.

Er l'elecziun dad Elisabeth Baume-Schneider vegn beneventada. Sandra Locher Benguerel manegia che la Giurassiana haja emprais da sa far valair sco minoritad en ses chantun. Ella enconuschia fitg bain ils dossiers. Ch'i vegnia stgars tranter Baume-Schneider ed Eva Herzog han Pult e Locher Benguererel spetgà, ina preferenza n'han els betg exprimì.

Anna Giacometti da la PLD ha accentuà che la decisiun avess era pudì crudar a favur da Eva Herzog, mo che la maioritad dal Parlament federal s’haja ussa decis per Elisabeth Baume-Schneider. Che las linguas latinas domineschian ussa il Cussegl federal saja ina gronda sensaziun. Quai na saja dentant nagin problem per ina tscherta perioda.

audio
Reacziun Anna Giacometti
ord RTR Audio dals 07.12.2022.
laschar ir. Durada: 2 minutas 50 Secundas.

RTR actualitad 12:00

Artitgels legids il pli savens

Scrollar a sanestra Scrollar a dretga