La Confederaziun vul ragischar ora neofitas invasivas en Svizra – la strategia na plascha dentant betg a tuts. La Confederaziun prevesa ch'ils parasits vegnian era cumbattids da persunas privatas. Possessurs da terren, da curtins e da guauds na vulan dentant betg surpigliar custs per extirpar neofitas.
Plantas invasivas importadas d'auters pajais fan magari donn a l'agricultura, il guaud e perfin a l'uman. Quellas plantas vul la confederaziun extirpar. Ella pretenda dentant era che proprietaris da terren e da guaud privats destrueschian las neofitas e quai sin agen cust. En tut sa tract d'ina summa da ca. 25 milliuns francs. Tgi che na resguardia betg la lescha stoppia quintar cun in chasti u en il mender cas cun fin a 3 onns praschun.
RR novitads 12:00
