La communicaziun da las Viafiers federalas svizras pertutgant l’accident en il tunnel da basa dal Gottard procura per dissonanzas en il Tessin. Quai rapporta SRF. Per Fabio Regazzi, il president da l’Uniun svizra d’artisanadi e mastergn, èsi nunchapibel ed inacceptabel che las lavurs da reparatura cuzzan enfin il settember 2024.
En il Tessin avess ins gugent sa preparà meglier sin questa annunzia che saja vegnida fitg tard. Da quest avis è er Christian Vitta, il schef da finanzas e d’economia dal chantun. La SBB sa dosta cunter talas renfatschas. Ella haja l’emprim vulì inspectar il donn minuziusamain, avant che far ina prognosa, ha communitgà la SBB.
En il Tessin sentia ins gia la sminuziun dal turissem. Las Viafiers federalas han gì 30% damain cudeschaziuns da viadis en il Tessin.