Ils donns vi dal tunnel da basa dal Gottard suenter la sviaziun da tren èn pli gravants che spetgà. Il vial stoppia vegnir renovà cumplettamain sin ina distanza da set kilometers. Perquai durian las lavurs da reparatura marcantamain pli ditg, uschia ch’i saja probablamain pir da quintar il settember 2024 cun in manaschi normal tras il tunnel da basa. Quai han communitgà las Viafiers federalas.
Il concept da manaschi per il temp fin l'avertura cumpletta saja anc en lavur. Durant l'emna duain dapli trens da chargia por passar il tunnel, durant las fin d'emnas vegn il traffic da persunas avair plitost prioritad sin il segund binari betg donnegià.
La summa dal donn importia tenor stan actual tranter 100 e 130 milliuns francs. Quest donn saja assicurà.
