En la branscha turistica svizra smanatscha in'unda da concurs. Passa 3'200 manaschis stoppian probabel serrar e 30'000 plazzas da lavur giajan a perder. Quai resorta d'ina retschertga fatga tar 3'500 interpresas.
Per il matg sajan ils hotels occupads per sulettamain 9% e per ils mais zercladur, fanadur ed avust quintan ins cun 20 fin 24%. Ina calculaziun da la branscha quinta ch'i giaja a perder en il turissem dal mars fin il zercladur 8,7 milliardas francs.