La finanziaziun politica è suttamessa a novas prescripziuns da transparenza sin plaun federal. La Controlla federala da finanzas ha publitgà las entradas da las elecziuns federalas 2023 ch’èn vegnidas annunziadas definitivamain ed ina glista da las acturas e dals acturs controllads en connex cun la campagna electorala.
PLD e PPS cun ils pli gronds preventivs
Annunziads èn vegnids 277 quints finals en la dimensiun da 54,6 milliuns francs per las elecziuns dal Cussegl naziunal. La pli gronda campagna singula è stada quella da la PPS Svizra. Ella ha custà 4,6 milliuns francs. Ils pli gronds preventivs han cun passa 10 milliuns francs ha gì la Partida libera-democratica e la Partida populara svizra. La PLD ha declerà 12,8 milliuns francs entradas, la PPS 11,6 milliuns. Sin plazza trais suonda la PS cun 7,6 milliuns e sin plazza quatter ils Verds cun 3,7 milliuns.
Per il Cussegl dals chantuns èn sulet quints finals da passa 50'000 francs obligads da mussar. Il pli bler entradas cun passa 400'000 francs ha declerà la cussegliera dals chantuns da Turitg GLP, Tiana Angelina Moser.
