Siglir tar il cuntegn

Header

persunas che stattan davant in stan da legums tar in martgà en il liber e portan mascras da protecziun.
Legenda: Keystone
cuntegn

Cas da corona Il dumber da novas infecziuns surpassa ils 9'000

Sper l'aut dumber da novas infecziuns creschan er las ospitalisaziuns ed ils mortoris en connex cun Covid-19. Pertutgadas da l'augment da novas infecziuns èn tut las regiuns e tut las vegliadetgnas.

Per la Svizra ed il Principadi da Liechtenstein annunzia l'Uffizi federal da sanadad BAG la gievgia 9'386 novas infecziuns cun il coronavirus. En la media dals davos set dis è la cifra da las novas infecziuns creschida per 81%.

Er creschidas marcantamain las ultimas 24 uras èn las ospitalisaziuns pervi da Covid-19. La mesemna eran anc vegnidas annunziadas 149 novas ospitalisaziuns, la gievgia èn quai gia 287 novas ospitalisaziuns pervi dal coronavirus.

Il dumber da mortoris en connex cun la malsogna dal pulmun è creschì da 24 la mesemna sin 31 la gievgia. En tut èn uschia dapi l'entschatta da la pandemia 1'985 persunas mortas en Svizra ed il Principadi da Liechtenstein en connex cun Covid-19.

La situaziun en Grischun

Il Grischun annunzia 100 persunas cun ina nova infecziun dal coronavirus. Tut en tut datti il mument 571 cas activs en Grischun. Actualmain èn 36 persunas en tgira en ospitals grischuns – quatter dapli aifer in di. 6 persunas dovran tgira intensiva e ston vegnir aspirads.

RTR novitads 14:00

Artitgels legids il pli savens

Scrollar a sanestra Scrollar a dretga