En Svizra datti in ferm augment da fevra da dengue. Las infecziuns èn mintgamai vegnidas da persunas ch'èn stadas en l'exteriur. 2021 hai dà 26 cas, ils 2023 hai dà 10 giadas dapli, 261 cas.
Tenor in collavuratur dal BAG sajan ils cas importads, e l'augment cunzunt pervia da la fin da las restricziuns da viadi pervia da corona. Mundialmain vegn dengue dentant adina in pli grond problem. I dat diesch giadas dapli cas registrads entaifer 10 onns.
Entaifer la Svizra n'hai dà naginas infecziuns da fevra da dengue il 2023. Teoreticamain è ina infecziun pussaivla, sch'in mustgin tigher piztga insatgi ch'è vegnì infectà en l'exteriur. In mustgin da tigher pudess lura purtar la fevra ad ina autra persuna cun piztgar quella suenter.
In'emprima infecziun cun fevra da dengue è per il pli betg privlusa. Ella porta fevra e dolurs en l'entir corp. Ina segunda infecziun po dentant esser mortala. Tar la fevra da dengue sa tracti d'in infect viral. Medicaments specifics cunter la malsogna na datti betg.
SRF ha rapportà la stad 2023:
