Siglir tar il cuntegn

Header

cuntegn

Cas urgents La Svizra vul repatriar radund 80 pazients da covid

La Svizra vul repatriar radund 80 persunas or da l'exteriur ch'èn vegnids malsauns pervia da covid.

Il servetsch sanitar da l'armada ha infurmà il venderdi ils chantuns en chaussa. Radund la mesadad dals pertutgads èn s'infectads durant lur vacanzas en pajais dal Balcan.
Tobias Bär, il pledader da la Conferenza svizra da las directuras e dals directurs chantunals da sanadad, ha confermà in rapport da las gasettas da Tamedia.

Per almain otg persunas saja ina repatriaziun urgenta. Il servetsch sanitar da l'armada ha appellà als chantuns ed als ospitals dad esser solidarics, transparents e integers. Co la GDK ha confermà vulan ils chantuns, il servetsch sanitar e la societad per medischina intensiva discutar il glindesdi en chaussa.

La situaziun sin las staziuns intensivas en Svizra resta en il mument tendida. Tenor l'Uffizi federal da sanadad èn 80,3% dals letgs sin las staziuns intensivas occupads, 33,7% cun pazients da covid.

audio
Per tadlar curt e cumpact
01:05 min, RTR Audio dals 04.09.2021.
laschar ir. Durada: 01:05 minutas.

RTR novitads 12:00

Artitgels legids il pli savens

Scrollar a sanestra Scrollar a dretga