En la caserna ad Isone en il Tessin sa derasa il norovirus – 42 recruts da l'armada svizra han stuì vegnir isolads. Cun questa mesira vul la scola da recruts specialisads evitar dapli malsauns, quai scriva l'armada.
Il norovirus che sa derasa sur la bucca u il nas – chaschuna problems cun il tract digestiv. En general svaneschan ils problems suenter 72 uras da sez. Ils recruts pertutgads vegnan tenor il departement tractads medicinalmain. Il virus è zunt contagius e rumpa adina puspè ora en indrizs cuminaivels sco casernas, chasas d'attempads ed ospitals – spezialmain tranter il november ed il mars. Ina vaccinaziun encunter na datti betg.
