Siglir tar il cuntegn

Header

cuntegn

Cassas da malsauns Cussegl dals chantuns fraina reducziun da premias

Terrada per il Cussegl federal: Il Cussegl dals chantuns n’entra betg sin la cuntraproposta a l’iniziativa da la Partida socialdemocratica che vul distgargiar pli ferm da las premias da cassas da malsauns.

La Chombra pitschan ha acceptà ina proposta dal Benedikt Würth (AdC) da betg entrar sin la debatta per la cuntraproposta a l’inizitiva. Quai cun 22 cunter 20 vuschs. La cuntraproposta dal Cussegl federal prevesa ch'ils chantuns vegnan obligads da metter a disposiziun ina summa per reducziuns da las premias da las cassas da malsauns. La summa sco tala duain els pudair decider sez. L’inizitiva refusa il Cussegl federal.

Quella va pli lunsch: L’inizitiva sezza vul che las premias na pon betg esser pli charas che 10% da las entradas da las persunas assicuradas. Cun la decisiun da gnanc entrar sin la cuntraproposta trametta il Cussegl dals chantuns enavos la fatschenta al Cussegl naziunal. Sche quel segua al Cussegl dals chantuns è la cuntraporposta giud maisa.

audio
Per tadlar curt e cumpact
ord RTR Audio dals 30.11.2022.
laschar ir. Durada: 1 minuta 2 Secundas.

RTR novitads 12:00

Artitgels legids il pli savens

Scrollar a sanestra Scrollar a dretga