Las cassas da pensiun svizras pateschan da las sperditas als martgads da finanzas - ed uschia va il schlantsch da l'onn passà puspè a perder. Quai annunzia l'interpresa Swisscanto en sia survista da las cassas da pensiun.
L'emprim quartal 2020 saja stà in dals menders dapi la crisa da finanzas l'onn 2009. Quai cun ina perdita stimada da passa 7%, scriva Swisscanto. Las reservas fatgas il 2019 sajan uschia vegnidas duvradas si tranter il schaner ed il mars.
