La Chadaina da Fortuna ha rimnà 8 milliuns francs per uffants che vivan en miseria en Svizra e l’entir mund. Cun quai sajan las donaziuns sa dublegiadas dapi il Di da solidaritad naziunal ils 17 da december.
Cun la mesadad dals daners finanziescha la Chadaina da Fortuna projects d’organisaziuns partenaris svizras activas en l’exteriur. Là vegnia pussibilità a milli d’uffants l’access a scolaziun, e protecziun envers violenza – scriva l’organisaziun.
En Svizra profiteschan uffants e giuvenils en situaziuns d’urgenza da l’autra mesadad dals daners. Actualmain sustegna la Chadaina da Fortuna en Svizra 59 projects en favur d’uffants e giuvenils. Novs projects duain suandar.
Instituziun ad Alvagni survegn sustegn:
video
Nido del Lupo – Ina chasa e scola per giuvens e giuvnas en pitgira
Or da Giuventetgna dals 17.12.2021.
laschar ir. Durada: 2 minutas 43 Secundas.
