Siglir tar il cuntegn

Header

cuntegn

Chadainas da furniziun Ils problems pudessan manar a dapli lavur curta, manegia Parmelin

Ils problems da l'economia svizra da survegnir tocca e material, pervi da chadainas da furniziun interruttas – preoccupeschan il president da la Confederaziun Guy Parmelin.

I pudessi esser che las firmas stoppian puspè duvrar pli savens lavur curta l'onn proxim. E quai betg perquai che la lavur manchia – mabain perquai che tocca u material n'arrivia betg per cumplettar products. Quest quità ha exprimì Guy Parmelin en in'intervista cun il «SonntagsBlick». Sche questa crisa da las chadainas da furniziun s'accentueschia en auters pajais, pertutgia quai era la Svizra.

Lescha da Covid-19

En vista a questa sfida economica è il president da la Confederaziun er s’exprimì, tge ch’in Na a la lescha da Covid-19 pudess muntar. In Na avessi segiramain consequenzas. Lura stuessi la Confederaziun chattar davent dal mars insatge nov per remplazzar il certificat. Quai pudessi manar a problems tar ils contacts internaziunals.

Ed er la lavur curta, schlargiada sin 24 mais, saja fixada en questa lescha. In Na avessi segiramain consequenzas. Uss cumenzia il cumbat da votaziun, bilantscha fetschian ins lura ils 28 da november, ha manegià Guy Parmelin.

Ord l'archiv

video
La Lescha da Covid-19
Or da News-Clip dals 22.10.2021.
laschar ir. Durada: 3 minutas 27 Secundas.

RTR novitads

Artitgels legids il pli savens