Siglir tar il cuntegn

Header

cuntegn

Chalira 2018 200 morts dapli pervia da dis da chalira

L'avust da l'onn 2018 èn mortas en Svizra 200 persunas dapli ch'usità. L'Uffizi federal per ambient BAFU attribuescha quest augment dals mortoris da 3,4% als dis da chalira. I dettia dentant differenzas regiunalas.

I dettia dentant differenzas regiunalas: En ils chantuns dal vest ed en il Tessin è il dumber da mortoris restà constant, entant ch'el è creschì en l'ost ed en la regiun da Turitg. La raschun saja che lezs chantuns n'hajan betg in plan da mesiras per la chalira. Quai mussia che las mesiras sco appellar da baiber dapli, hajan effect.

Dapli persunas mortas pervia da temperaturas autas: Quai ha l'Uffizi federal per ambient schon constatà l'onn 2003 e 2015. Dal 2003 sajan mortas bunamain 1'000 persunas dapli ch'ils ulteriurs onns ed il 2015 bunamain 800 dapli.

Ultra da quai ha l'unda da chalira la stad 2018 er gì influenza sin ils guauds, sin ils auals e glatschers sco er sin l'agriultura.

Ord l'archiv

Il glatscher Tschierva suenter la stad da chalira 2018.

Video
Glatscher Tschierva suenter la stad a chalira
Or da Telesguard dals 21.09.2018.
laschar ir

RR novitads 11:00